«Մակբեթ»
«1934թ.-ին,
- պատմում է Խաչատրյանը, - ես Երևան ուղարկեցի «Մակբեթ»
ներկայացման համար երաժշտությունից առանձին պատրաստի
համարներ: Այդ երաժշտությունից չմնաց ինձ մոտ: Պահպանվել
է միայն թատրոնի գլխավոր բեմադրող-ռեժիսորի Ա.Գուլակյանի
նամակը, որում նա գնահատել էր յուրաքանչյուր համարը՝
առաջնորդվելով 5-բալլային համակարգով: Ընդհանուր հաշվով
մոտ քսան համար կար: Հիմա չեմ հիշում, երեքներ կային
թե՞ ոչ, գուցե մեկ հատ, իսկ հիմնականում չորսեր և հինգեր
էին:
Ամեն ինչ այլ կերպ էր, երբ ես երաժշտություն էի գրում
1955թ.-ին Փոքր թատրոնում ռեժիսոր Կոնստանտին Զուբովի
ներկայացման համար: Ես արդեն քիչ թե շատ հասուն կոմպոզիտոր
էի: Բացի դրանից, իմ բախտը բերել էր: Առիթ էի ունեցել
լինել Անգլիայում՝ Էֆոնի Սթրեթֆորդ քաղաքում, որտեղ
ծնվել և ապրել էր Շեքսպիրը: Քիչ ժամանակ չեմ անցկացրել
Շեքսպիրի թանգարանում, նրա թատրոնում: Ի վերջո, ես բախտ
եմ ունեցել Լոնդոնի հայտնի «Օլդ Վիկ» թատրոնում տեսնել
«Մակբեթը»: Այս տպավորություններով հարստացած՝ վերադարձա
Մոսկվա և սկսեցի երաժշտություն գրել: |